الـبــارح الـــليل كــنــه فــي عــيــونــي ســنه

البارح الليـل كنـه فـي عيونـي سنـه
لا تطلـب النـوم والراحـه ولاجالـهـا
قامت تنقض علـي جروحـي المزمنـه
وجروحي من السنه هذي علـى حالهـا
على الذي يابـري حالـي وجـدي منـه
تطري عليه وانـا مطـري علـى بالهـا
لاقلت بيت القصيـده فيـه طـاب لحنـه
كـل القصايـد تشابـه فـيـه موالـهـا
كن أبـن وسـام قـال وقالـت الألسنـه
لا نسـف شماغـه البـسـام وعقالـهـا
مبدع وصـح ألله لسانـه وصـح بدنـه
لبيـه يأعـذب بيـوت الشعـر لاقالهـا
في عيني أغلى القصيد وفي الخيال أحسنه
أحفظ قصيده وأشـوف أشعـاره لحالهـا
ياسيد الغيـد فيـك الشعـر قلـت أثمنـه
أفكـار فكـري تـوارد فيـك بجزالهـا
أصدق شعوري وذوقي فيك وأنت وطنـه
يابدر نصف الشهـور ومطلـع هلالهـا
جرحك فديتـك بقلبـي عالجـه وأطعنـه
أنـا فـدى كـل طعنـه منـك يشتالهـا
اللي تجي بايسـره واللـي تجـي بيمنـه
أدقاقتهـا ياغـرام الــروح وجلالـهـا
الا الجفـا والمفـارق كـم نهيتـك عنـه
ياشيـن فرقـاك فــال الله ولافالـهـا
أشوف فرقاك سيـه والوصـال حسنـه
لعل نفسـك تجـازى بأطيـب أعمالهـا

trer trer bien merci

بارك الله فيكي

بارك الله فيكي